5樣導致黑眼圈成因 鼻敏感和濕疹亦是其因

黑眼圈好影響望落個人整體嘅氣色和精神,唔少人都以為黑眼圈係捱夜捱出來,用眼霜就可以減淡黑眼圈嘅問題,但治療與保養預防黑眼圈,從成因、類型方面認識。

黑眼圈的成因:

黑眼圈嘅形成係長期累月「唔夠瞓」而造成?咁你就太單純!

  1. 血管增生:鼻敏感、鼻塞、慢性鼻竇炎導致血液循環差,微血管增生。
  2. 表皮粗糙:濕疹、反覆接觸性皮膚炎、過度摩擦都會導致眼窩皮膚粗糙。
  3. 皮膚太薄:因老化導致眼部皮下脂肪或膠原蛋白流失。
  4. 色素沉澱:可能跟日曬(尤其亞洲人)、發炎、遺傳。
  5. 暫時性血管明顯:沒有充分嘅睡眠、大哭、攝取太多鹽分、經期或者水腫導致。

總括而言,黑眼圈共有三大類型

1. 色素型黑眼圈

唔少亞洲人都出現先天情況。有時過分曝曬或者皮膚炎亦會令黑色素沉澱,例如濕疹、反覆接觸性皮膚炎,時間一長眼底便累積更多嘅色素沉澱。

 

2. 血管型黑眼圈

鼻敏感人士嘅黑眼圈可能會更明顯,因為鼻敏感發作打個大噴嚏都會令眼周很痕癢,眼周表皮嘅血液循環和鼻是相通的,所以鼻敏感的腫脹會導致鼻和眼嘅血液循環不佳,令眼窩色素更明顯。其實除了過敏,任何令眼周的血液循環變差,都會導致血管型黑眼圈,例如大喊、失眠、汲取過多鹽份等。

 

3. 結構型黑眼圈

其實只是淚溝明顯、眼眶凹陷,眼袋或臥蠶的位置凹陷比較大,而造成陰影較大,看起上黎好似有黑眼圈。