隨住成衣技術進步,現時研發左唔同衣物質料,當大家有好多唔同選擇時,你有冇揀選合適自己嘅衣物質料?穿衣除左造型目的外,仲要係舒適,揀錯質料可能會傷害皮膚。所以,容易皮膚過敏人士要避免揀選以下3 種布料。

 

羊毛

羊毛最佳優點係保暖,但相信好多人穿過羊毛衫會觸發皮膚發紅痕癢嘅過敏現象,當中羊毛成分與皮膚磨擦並會刺激皮膚,有機會令濕疹發作,亦會讓皮膚乾燥的人更加嚴重。另外,細菌、塵蟎容易係衣服內積眾,所以建議係裏面穿一件長袖嘅棉T或者襯衫作打底之用,避免皮膚與羊毛衫直接接觸。

 

人造或合成纖維

人造纖維係製造衣服熱門物料之一,如聚酯(polyester)、俗稱尼龍嘅聚酰胺(polyamide)等,較易引起靜電,如果皮膚較為乾燥人士穿著此物料,容易感到痕癢不適。常見有heat tech都係主要由聚酯纖維(polyester)製成,依種物料透氣度低,所以能有效鎖住身體溫度,達致保暖、排汗功效。由於透氣度低,當纖維接觸皮膚,容易出現皮膚敏感及濕疹發作。

氨綸(Spandex/Elastane)是一種合成纖維,具有彈性,常用於做緊身衫、泳衣或者運動服,物料會與皮膚緊緊地貼合住,亦有機會導致皮膚過敏情況。

 

抗皺物料

好多西裝或褲子都會用抗皺物料,依種物料都係要使用含有甲醛嘅化學物質,才能做到抗皺嘅功效,甲醛具有刺激性,會刺激皮膚,對於有皮膚較敏感或濕疹嘅人士,接觸甲醛可能會令眼皮膚出現痕癢、泛紅及濕疹發作。

 

除了這些 3 種物料,你也可以選擇純棉真絲、亞麻等布料,會對皮膚比較好。

 

純棉

棉花被用係製作嬰兒衣服最為廣泛之一嘅原材料,棉纖維有較好嘅吸濕性同吸汗,讓肌膚變得清爽,純棉材質柔軟舒適,但棉嘅排濕性差,吸汗後較難乾,容易滋長細菌、產生臭味。棉纖維係天然纖維,對肌膚唔會有任何刺激和副作用,就穿對人有益無害。

 

真絲
真絲較輕盈、柔軟順滑,其蠶絲由蟹白纖維組成的,其與人體嘅角質和膠原同為蛋白質,就是桑蠶絲的面料和人體皮膚的成分有很多相似。真絲具有良好嘅透濕性能,即使夏天出汗,真絲衣服也能做到吸濕和透氣作用,有利於調節人體嘅溫濕度。真絲對人體嘅摩擦剌激係各類纖維中係最低嘅,所以對容易過敏人士係最為適合,因為蠶絲親膚、舒適,唔會引起過敏。

 

亞麻

其為天然纖維唔會導致皮膚敏感,亞麻纖維唔會產生靜電,亦唔會受灰塵吸附,吸水排濕能力較好,難以讓霉菌滋生。

 

所以,容易敏感和皮膚敏感的朋友,買衫時,記得要留意布料喇!

Recommended Posts

No comment yet, add your voice below!


Add a Comment

發佈留言必須填寫的電子郵件地址不會公開。 必填欄位標示為 *