皮膚敏感令人煩擾,有唔少女士為左唔刺激皮膚會選擇唔化妝,其實咁做係對皮膚好,因為可以比皮膚一個休息嘅時間,同埋可以修復皮膚。但係!有邊個女仔唔貪靚?其實只要揀啱化妝品同用具,同時注意上妝同落妝方法,皮膚敏感患者都可以化妝扮靚靚出街!

 

1.選用礦物粉底

 

皮膚敏感代表皮膚正處於非常脆弱嘅狀態,上妝前應先做好保濕護理。選用粉底時,應用礦物粉底,因為它比濕粉底更加能夠令敏感皮膚穩定落黎,同埋礦物粉底成分比粉底液簡單,無咁易阻塞毛孔而引起皮膚敏感,亦唔會刺激面部皮膚。另外,礦物成分可以抗菌抗炎,有鎮靜同舒緩作用,泛紅敏感皮膚都適用。

 

2.減少上妝步驟

 

皮膚敏感人士應該減少上妝步驟,因為面上愈少化妝品,刺激到皮膚嘅機會就愈少,正常上妝既步驟就唔需要做足,例如打底、遮瑕、打陰影等。而係先評估自己嘅皮膚狀況再作適當嘅步驟,如果您嘅皮膚敏感泛紅,先使用能夠中和皮膚泛紅既底霜,再用少許遮瑕液就足夠。

 

3.避免使用閃粉類化妝品

 

避免使用帶有閃粉嘅眼影或光影粉,因為呢一類嘅產品都好難清洗,需要較長時間先能夠完全卸走,會令皮膚敏感更加嚴重,建議使用啞色化妝品,減低刺激皮膚嘅機會。

 

4.保持化妝工具清潔

 

好多人都忽略左化妝工具都會令皮膚產生敏感,因為用化妝掃上妝嘅時候,會同時沾到面上油脂同污垢,同空氣接觸之後就會成為細菌繁殖地。建議應用溫和清潔劑清潔化妝掃,然後用面紙吸乾水分再晾乾。

 

5.溫和及有效地卸妝

 

千其唔好用熱水卸妝,熱水會令面上嘅作為保護屏障嘅脂質流走,令皮膚更加脆弱。而卸妝力度亦唔應該過度用力,因為會嚴重刺激皮膚,建議可以用免沖洗卸妝乳液或卸妝霜。

Recommended Posts

No comment yet, add your voice below!


Add a Comment

發佈留言必須填寫的電子郵件地址不會公開。 必填欄位標示為 *