方便美食恐過敏!大人細路要小心

牛餐肉、五香肉丁、再配上一碗香噴噴嘅公仔面相信係好多人早餐同宵夜首選!

呢D嘅罐頭美食、即食面以及一D嘅微波產品已經離不開我哋嘅飲食生活,為一眾忙碌嘅都市人帶黎好味又快捷嘅三餐。但長年累月咁進食呢類產品其實好易有皮膚敏感問題!

 

對於大人:

罐頭、公仔面等一D嘅食品為左可以長時間擺放同增加口感、味道不惜落大量嘅防腐劑、色素、香料同味精等等嘅物料,我哋當然心知肚明呢類嘅添加物對我哋黎講係百害而無一利,但只為一時嘅口腹之欲而令自己敏感纏身!

過敏人人都有機會有,當你身體突然接觸到大量嘅致敏原且不能承受,就會出現不同嘅過敏狀況。 所以,當你係某一段期間內進食大量嘅罐頭或即食產品,突然出現過敏情況亦不足為奇。在進食後嘅幾小時內若出現濕疹、紅點、痕癢等情況就應馬上停止食用該食品,一旦敏感反應嚴重,更有可能會有氣喘、呼吸困難等問題!

 
對於小朋友:

小朋友的身體處於生長時間,對食物嘅攝取要特別留意,應該避免進食含過多嘅添加品同精製食品,呢類食品嘅毒素同鹽分都較高,對小朋友嘅肝臟同腎臟負擔較大,會影響其發育,由其有濕疹問題的小朋友應避免食同使用有香料、防腐劑同色素嘅食物同用品,以避免加劇濕疹問題。

小朋友嘅早餐選擇都應該小心,例如:雪芳蛋糕、燒賣、魚蛋、有不同餡料嘅面包等其實都含大量嘅油、鹽、糖同脂肪,每日食呢類食品營養價值並不高,對小朋友嘅成長沒有益處,建議可以準備其他早餐食品如:穀類面包、水果、非油炸面等等。

 

罐頭雖然好食,但禍害多多,大家都係要均衡飲食,少食加工食品為妙~