想有個無「敏」邊爐 有咩地方要注意?

天氣越來越冷,特別想打邊爐,同班朋友一齊圍住個爐,邊班朋友吹住水,邊等住爐入面嘅食材烚下烚下,場面好有氣氛,但「火鍋控」要小心,打邊爐都有機會引起過敏或令濕疹復發!


1. 玫瑰痤瘡

「玫瑰型」,只發紅發熱,冇暗瘡;或「痤瘡型」,都不建議打邊爐,特別不建議麻辣火鍋。因為打邊爐嘅熱力、蒸氣和麻辣都會令血管擴張,讓皮膚發炎加劇,使玫瑰痤瘡復發。如果真係要打邊爐,建議坐係距離個爐較遠嘅位置,面部遠離個爐產生嘅熱力同蒸氣,同埋唔好揀辣嘅湯底。

 

2. 面部濕疹

面部有濕疹人士必須揀遠離爐嘅位置,因為爐嘅蒸氣會將皮膚嘅水分蒸發,有機會引起濕疹發作。而且亦要注意揀選食物,不要揀一啲高蛋白質嘅食物,例如海鮮。即使濕疹人士唔吃,但係同一鍋湯裡面煮,也有可能引起皮膚敏感。

 

3. 湯底及醬料

在湯底唔好放太多辣椒、花椒,因為調味料有一定刺激作用,容易引起皮膚瘙癢。同時,湯底太喊鹹或鹽都唔好放得太多,因為鹽也會刺激皮膚,使皮膚乾燥、瘙癢;醬料方面,有人會鍾意「混醬」嘅食法,唔同醬汁混埋一齊,但住住會忽視,有啲醬料含有花生,對花生過敏人士要注意,對大豆過敏人士唔好落豉油。