炎炎夏日,一踏出街外,避免唔到成身汗,唔少人都會出於個人形象或禮貌都會用止汗劑掩蓋自身發出嘅「男人味/女人味」,其實,市面亦有很多「止汗香體產品」,各具不同功能,但未必全部都可以止汗!例如止汗劑和香體露並不一樣,止汗劑具止汗功效,相對香體露以香味遮蓋汗臭,不具止汗功效,所以大家要選購止汗香體產品時,要針對使用目的,而決定購買哪一種產品。

小編先講下點解出汗就會臭,其實汗水一般係無味。而出現汗臭嘅原因係因為皮膚表皮嘅細菌分解汗水後,釋出異味。由於男士天生汗腺活躍,所以相比女性較易傳出濃烈體味。

止汗劑有咩成分需要注意?

市面上嘅止汗劑一般含有氯化鋁,原理係利用藥劑滲入,阻隔汗腺管,抑制排汗,而達到止汗嘅效果。由於唔少止汗劑含有揮發性物質,如酒精,長期使用可能會抽乾皮膚表面嘅水分,導致局部皮膚乾燥而痕癢或紅腫。所以過敏或濕疹嘅人士,選購止汗產品時,就要更為留意產品成份標籤。避免選購含添加防腐劑、香料、色素、美白或冰涼效果嘅成分,因為此成份都係刺激性較高嘅致敏原,當中以Paraben及MIT兩種較易引起敏感情況,以免引起皮膚敏感。

另外,呼吸道較易敏感或哮喘人士,建議可選擇非噴霧嘅止汗產品,降低吸入刺激物質嘅可能性。

止汗劑會有副作用嗎?

唔少人都會認為止汗劑會有副作用,可能造成阻塞毛孔,所以選擇避用止汗劑。其實使用止汗劑有機會造成過敏或濕疹,可能出現痕癢徵狀,長期忽視加上用手去抓痕,可能造成色斑沉澱。至於有關造成阻塞毛孔嘅問題,當其成分含量較高時,就有可能會造成阻塞毛孔問題。

大家購買前止汗劑,可在手臂內側試用產品,如果在使用產品後,該部分出現紅疹或痕癢,就可能代表你不適合使用該產品。

Recommended Posts

No comment yet, add your voice below!


Add a Comment

發佈留言必須填寫的電子郵件地址不會公開。 必填欄位標示為 *