父母最著重子女嘅健康,尤其在冬天,父母擔心子女晚上瞓覺時不時踢被或手腳外露而著涼生病,所以父母會半夜不停起身幫佢地蓋被子,或使用保暖產品,如電暖爐、電熱氈及暖包貼等等。但若使用不適當保暖產品,調較溫度太高,弄巧成拙,出現皮膚敏感或太焗太熱導致生病。

 

其實瞓覺時並不適用暖包貼,如果子女係半夜感到溫度太高、體溫太熱嘅話,佢地年紀太細而冇意識或能力去撕走暖包貼,而最終只會默默忍受,幼兒皮膚幼嫩容易導致皮膚生熱痱、出現敏感,嚴重嘅話可能會焯傷。

 

而電熱氈最好選購有時間功能,使用前建議要檢查電熱氈嘅內部零件有冇損壞,防止上屬情況發生。

 

電暖爐或暖風機可以令房間變得暖和,即使子女半夜三更踢被,都唔易著涼。古人說「幼兒涼頭暖肚」,最好出暖風位唔好直吹著孩子頭部,溫度亦唔好調較過高,室內溫度最舒適係23°C,調較溫度太高會耗電量,亦會令人胸悶、呼吸困難。建議父母係子女房間內放置室內溫度計,因應室內嘅溫度而考慮需唔需要使用電暖爐或暖風機。注意長時間使用電暖爐或暖風機會令室內變得乾燥,所以父母應該多為孩子搽潤膚膏,以免太乾燥而誘發濕疹。

 

某些父母慣性只摸孩子嘅手腳溫度測量體溫,應該觸摸孩子嘅後頸和背部才能作準,因為幼兒心臓博出嘅力量較弱,手腳末端嘅血循環較差,所以可能出現手腳冰涼,但身體已熱到出汗等情況,父母要多加留意子女嘅體溫變化。

Recommended Posts

No comment yet, add your voice below!


Add a Comment

發佈留言必須填寫的電子郵件地址不會公開。 必填欄位標示為 *